mānaʿ-e dasht-navardī koʾī tadbīr
nahīñ
ek chakkar hai mire pāñv meñ zanjīr nahīñ
shauq us dasht meñ dauṛāʾe hai mujh
ko kih jahāñ
jādah ġhair az nigah-e dīdah-e taṣvīr nahīñ
ḥasrat-e lażżat-e āzār rahī jātī
hai
jādah-e rāh-e vafā juz dam-e shamshīr nahīñ
ranj-e naumīdī-e jāved gavārā rahyo
ḳhvush hūñ gar nālah zabūnī-kash-e tāṡīr nahīñ
sar khujātā hai jahāñ zaḳhm-e sar
achchhā ho jāʾe
lażżat-e sang bah andāzah-e taqrīr nahīñ
jab karam ruḳhṣat-e bebākī-o-gustāḳhī
de
koʾī taqṣīr bah juz ḳhajlat-e taqṣīr nahīñ
ġhālib apnā yih ʿaqīdah hai bah
qaul-e nāsiḳh
āp be-bahrah hai jo muʿtaqid-e mīr nahīñ
mīr ke shiʿr kā aḥvāl kahūñ kyā ġhālib
jis kā dīvān kam az gulshan-e kashmīr nahīñ