Ghazal 186

{186,1}

jis zaḳhm kī ho saktī ho tadbīr rafū kī
likh dījiyo yā rab use qismat meñ ʿadū kī

{186,2}

achchhā hai sar-angusht-e ḥināʾī kā taṣavvur
dil meñ naz̤ar ātī to hai ik būñd lahū kī

{186,3}

kyūñ ḍarte ho ʿushshāq kī be-ḥauṣlagī se
yāñ to koʾī suntā nahīñ faryād kisū kī

{186,4}

This is the first verse of a two-verse verse-set. Some editions reverse the order of this and the following verse.

ṣad ḥaif vuh nā-kām kih ik ʿumr se ġhālib
ḥasrat meñ rahe ek but-e ʿarbadah-jū kī

{186,5}

This is the second and final verse of a two-verse verse-set. Some editions reverse the order of this and the preceding verse.

dashne ne kabhī muñh nah lagāyā ho jigar ko
ḳhanjar ne kabhī bāt nah pūchhī ho gulū kī

{186,6x}

go zindagī-e zāhid-e be-chārah ʿabaṡ hai
itnā hai kih rahtī to hai tadbīr vuẓū kī

{186,7x}

ay be-ḳhabarāñ mere lab-e zaḳhm-e jigar par
baḳhyah jise kahte ho shikāyat hai rafū kī