Agra Fort, from the Berger Collection
Agra Fort, from the Berger Collection
ḥuẓūr-e shāh meñ ahl-e suḳhan kī
āzmāʾish hai
chaman meñ ḳhvush-navāyān-e chaman kī āzmāʾish hai
qad-o-gesū meñ qais-o-kohkan kī āzmāʾish
hai
jahāñ ham haiñ vahāñ dār-o-rasan kī āzmāʾish hai
kareñge kohkan ke ḥauṣle kā imtiḥāñ
āḳhir
abhī us ḳhastah ke nīrū-e tan kī āzmāʾish hai
nasīm-e miṣr ko kyā pīr-e kanʿāñ
kī havā-ḳhvāhī
use yūsuf kī bū-e pairahan kī āzmāʾish hai
vuh āyā bazm meñ dekho nah kahyo
phir kih ġhāfil the
shikeb-o-ṣabr-e ahl-e anjuman kī āzmāʾish hai
rahe dil hī meñ tīr achchhā jigar
ke pār ho bahtar
ġharaẓ shast-e but-e nāvak-figan kī āzmāʾish hai
nahīñ kuchh subḥah-o-zunnār ke phande
meñ gīrāʾī
vafādārī meñ shaiḳh-o-barhaman kī āzmāʾish hai
paṛā rah ai dil-e vā-bastah betābī
se kyā ḥāṣil
magar phir tāb-e zulf-e pur-shikan kī āzmāʾish hai
rag-o-pai meñ jab utre zahr-e ġham
tab dekhiye kyā ho
abhī to talḳhī-e kām-o-dahan kī āzmāʾish hai
vuh āveñge mire ghar vaʿdah kaisā
dekhnā ġhālib
naʾe fitnoñ meñ ab charḳh-e kuhan kī āzmāʾish hai