Agra Fort, from the Berger Collection
Agra Fort, from the Berger Collection
kahūñ jo ḥāl to kahte ho muddaʿā
kahiye
tumhīñ kaho kih jo tum yūñ kaho to kyā kahiye
nah kahyo taʿn se phir tum kih ham
sitamgar haiñ
mujhe to ḳhū hai kih jo kuchh kaho bajā kahiye
vuh neshtar sahī par dil meñ jab utar
jāve
nigāh-e nāz ko phir kyūñ nah āshnā kahiye
nahīñ żarīʿah-e rāḥat jarāḥat-e
paikāñ
vuh zaḳhm-e teġh hai jis ko kih dil-kushā kahiye
jo muddaʿī bane us ke nah muddaʿī
baniye
jo nā-sazā kahe us ko nah nā-sazā kahiye
kahīñ ḥaqīqat-e jāñ-kāhī-e maraẓ
likhiye
kahīñ muṣībat-e nā-sāzī-e davā kahiye
kabhī shikāyat-e ranj-e girāñ-nishīñ
kīje
kabhī ḥikāyat-e ṣabr-e gurez-pā kahiye
rahe nah jān to qātil ko ḳhūñ-bahā
dīje
kaṭe zabān to ḳhanjar ko marḥabā kahiye
nahīñ nigār ko ulfat nah ho nigār
to hai
ravānī-e ravish-o-mastī-e adā kahiye
nahīñ bahār ko furṣat nah ho bahār
to hai
t̤arāvat-e chaman-o-ḳhūbī-e havā kahiye
safīnah jab kih kināre pah ā lagā
ġhālib
ḳhudā se kyā sitam-o-jaur-e nā-ḳhudā kahiye