Agra Fort, from the Berger Collection
Agra Fort, from the Berger Collection
shabnam bah gul-e lālah nah ḳhālī
z adā hai
dāġh-e dil-e bedard naz̤ar-gāh-e ḥayā hai
dil ḳhūñ-shudah-e kashmakash-e ḥasrat-e
dīdār
āʾīnah bah dast-e but-e bad-mast ḥinā hai
shuʿle se nah hotī havas-e shuʿlah
ne jo kī
jī kis qadar afsurdagī-e dil pah jalā hai
timṡāl meñ terī hai vuh shoḳhī
kih bah ṣad żauq
āʾīnah bah andāz-e gul āġhosh-kushā hai
qumrī kaf-e ḳhākistar-o-bulbul qafas-e
rang
ai nālah nishān-e jigar-e soḳhtah kyā hai
ḳhū ne tirī afsurdah kiyā vaḥshat-e
dil ko
maʿshūqī-o-be-ḥauṣalagī t̤urfah balā hai
majbūrī-o-daʿvā-e giriftārī-e
ulfat
dast-e tah-e sang āmadah paimān-e vafā hai
maʿlūm huʾā ḥāl-e shahīdān-e
guzashtah
teġh-e sitam āʾīnah-e taṣvīr-numā hai
ai partav-e ḳhvurshīd-e jahāñ-tāb
idhar bhī
sāye kī t̤araḥ ham pah ʿajab vaqt paṛā hai
nā-kardah gunāhoñ kī bhī ḥasrat
kī mile dād
yā rab agar in kardah gunāhoñ kī sazā hai
begānagī-e ḳhalq se bedil nah ho ġhālib
koʾī nahīñ terā to mirī jān ḳhudā hai
sar-rishtah-e be-tābī-e dil dar girih-e ʿajz
parvāz bah ḳhūñ ḳhuftah-o-faryād rasā hai