manz̤ūr thī yih shakl tajallī ko
nūr kī
qismat khulī tire qad-o-ruḳh se z̤uhūr kī
ik ḳhūñ-chakāñ kafan meñ karoṛoñ
banāʾo haiñ
paṛtī hai āñkh tere shahīdoñ pah ḥūr kī
vāʿiz̤ nah tum piyo nah kisī ko pilā
sako
kyā bāt hai tumhārī sharāb-e t̤ahūr kī
laṛtā hai mujh se ḥashr meñ qātil
kih kyūñ uṭhā
goyā abhī sunī nahīñ āvāz ṣūr kī
āmad bahār kī hai jo bulbul hai naġhmah-sanj
uṛtī-sī ik ḳhabar hai zabānī t̤ayūr kī
go vāñ nahīñ pah vāñ ke nikāle
huʾe to haiñ
kaʿbe se un butoñ ko bhī nisbat hai dūr kī
kyā farẓ hai kih sab ko mile ek-sā
javāb
āʾo nah ham bhī sair kareñ koh-e t̤ūr kī
garmī sahī kalām meñ lekin nah is
qadar
kī jis se bāt us ne shikāyat ẓarūr kī
ġhālib gar us safar meñ mujhe sāth
le chaleñ
ḥaj kā ṡavāb nażr karūñgā ḥuẓūr kī