TEN == EXERCISES 1-6

These ghazal excerpts are meant for practice. They have been taken from M. A. R. Barker and S. A. Salam, Classical Urdu Poetry, volume 1; the page numbers refer to their location in this volume. All the poems in Barker's volume 1 have been literally translated, with full explanations, in volume 2 of the same work; thus no translations will be provided here. Errors of calligraphy in Barker's edition have been corrected, and a few editing choices have been differently made. The ghazals appear in abbreviated form, with some verses omitted, but the first and last verses are always included. Scansions and explanatory notes for the ghazals are given in Chapter 11.

*Ghazal 1 by Vali Dakhani, p. 92*
*Ghazal 2 by Khvajah Mir Dard, p. 122*
*Ghazal 3 by Mir, pp. 127-128*
*Ghazal 4 by Mir, pp. 128-129*
*Ghazal 5 by Mir, p. 130*
*Ghazal 6 by Mus'hafi, p. 178*

*Ghazal 7 by Jur'at, p. 19*
*Ghazal 8 by Jur'at, pp. 193-194*
*Ghazal 9 by Atish, p. 218*
*Ghazal 10 by Atish, p. 218*
*Ghazal 11 by Zauq, p. 297*
*Ghazal 12 by Zauq, pp. 298-299*

*Ghazal 13 by Momin, p. 307*
*Ghazal 14 by Momin, p. 312*
*Ghazal 15 by Ghalib, p. 319*
*Ghazal 16 by Ghalib, pp. 319-320*
*Ghazal 17 by Ghalib, p. 321*
*Ghazal 18 by Ghalib, pp. 321-322*

*Ghazal 19 by Ghalib, pp. 324-325*
*Ghazal 20 by Ghalib, p. 331*
*Ghazal 21 by Dagh, p. 367*
*Ghazal 22 by Dagh, pp. 371-372*
*Ghazal 23 by Akbar Ilahabadi, pp. 396-397*
*Ghazal 24 by Iqbal, p. 425*

 

GHAZAL 1 by Vali Dakhani, p. 92:

kiyā mujh ʿishq ne z̤ālim ko āb āhistah āhistah
kih ātish gul ko kartā hai gulāb āhistah āhistah

vafādārī ne dilbar kī bujhāyā ātish-e ġham kūñ
kih garmī dafʿa kartī hai gulāb āhistah āhistah

ʿajab kuchh lut̤f rakhtā hai shab-e ḳhilvat meñ gulrū sūñ
ḳhit̤āb āhistah āhistah javāb āhistah āhistah

adā o nāz se ātā hai vuh raushan-jabīñ ghar sūñ
kih jyūñ mashriq sūñ nikle āftāb āhistah āhistah

valī mujh dil meñ ātā hai ḳhayāl-e yār be-parvā
kih jyūñ añkhyāñ maneñ ātā hai ḳhvāb āhistah āhistah

 

GHAZAL 2 by Khvajah Mir Dard, p. 122:

tuhmateñ chand apne żimme dhar chale
jis liʾe āʾe the so ham kar chale

zindagī hai yā koʾī t̤ūfān hai
ham to is jīne ke hāthoñ mar chale

shamʿa ke mānind ham is bazm meñ
chashm tar āʾe the dāman tar chale

kyā hameñ kām in guloñ se ai ṣabā
ek dam āʾe idhar ūdhar chale

dard kuchh maʿlūm hai yih log sab
kis t̤araf se āʾe the kīdhar chale

 

GHAZAL 3 by Mir, pp. 127-128:

milne lage ho der der dekhiye kyā hai kyā nahīñ
tum to karo ho ṣāḥibī bande meñ kuchh rahā nahīñ

bū-e gul aur rang-e gul donoñ haiñ dilkash ai nasīm
lek baqadr-e yak nigāh dekhiye to vafā nahīñ

shikvah karūñ hūñ baḳht kā itne ġhaẓab nah ho butāñ
mujh ko ḳhudā nah ḳhvāstah tum se to kuchh gilā nahīñ

chashm-e safed ashk-e surḳh āh-e dil-e ḥazīñ hai yāñ
shīshah nahīñ hai may nahīñ abr nahīñ havā nahīñ

ek faqat̤ hai sādagī tis pah balā-e jāñ hai tū
ʿishvah karishmah kuchh nahīñ ān nahīñ adā nahīñ

GHAZAL 4 by Mir, pp. 128-129:

hastī apnī ḥubāb kī sī hai
yih numāʾish sarāb kī sī hai

nāzukī us ke lab kī kyā kahiye
pankhaṛī ik gulāb kī sī hai

bār bār us ke dar pah jātā hūñ
ḥālat ab iẓt̤arāb kī sī hai

maiñ jo bolā kahā kih yih āvāz
usī ḳhānah-ḳharāb kī sī hai

mīr un nīm bāz āñkhoñ meñ
sārī mastī sharāb kī sī hai

GHAZAL 5 by Mir, p. 130:

ʿishq hamāre ḳhayāl paṛā hai ḳhvāb gaʾī ārām gayā
jī kā jānā ṭher gayā hai ṣubḥ gayā yā shām gayā

ʿishq kiyā so dīn gayā īmān gayā islām gayā
dil ne aisā kām kiyā kuchh jis se maiñ nākām gayā

hāʾe javānī kyā kyā kahye shor saroñ meñ rakhte the
ab kyā hai vuh ʿahd gayā vuh mausam vuh hangām gayā

GHAZAL 6 by Mus'hafi, p. 178:

nah vuh rāteñ nah vuh bāteñ nah vuh qiṣṣah kahānī hai
faqat̤ ik ham haiñ bistar par paṛe aur nātavānī hai

bhalā maiñ hāth dho baiṭhūñ nah apnī jān se kyūñ kar
ḳhirām us ke meñ ik āb-e ravāñ kī sī ravānī hai

tū yūñ be-pardah ho jāyā nah kar har ek ke āge
nayā ʿālam hai terā aur naʾī kāfir javānī hai

nah tanhā gul garebāñ phāṛte haiñ dekh is saj ko
chaman meñ āb-jū bhī chāl par us kī divānī hai

tirī bātoñ ne to ai muṣḥafī jī ko jalā ḍālā
ḳhudā ke vāst̤e chup rah yih kyā ātish zabānī hai