ghazal
{66}
 
-- urdu script -- devanagari -- diacritics -- plain roman -- more information --
 

*{66,1}

dil ke taʾīñ ātish-e hijrāñ se bachāyā nah gayā
ghar jalā sāmne par ham se bujhāyā nah gayā

*{66,2}

dil meñ rah dil meñ kih miʿmār-e qaẓā se ab tak
aisā mat̤būʿ makāñ koʾi banāyā nah gayā

{66,3}

kabhū ʿāshiq kā tire jib'he se nāḳhun kā ḳharāsh
ḳhat̤t̤-e taqdīr ke mānind miṭāyā nah gayā

{66,4}

kyā tunuk ḥauṣlah the dīdah-o-dil apne āh
ek dam rāz muḥabbat kā chhupāyā nah gayā

{66,5}

dil jo dīdār kā qātil ke bahut bhūkā thā
us sitam-kushtah se ik zaḳhm bhī khāyā nah gayā

*{66,6}

maiñ to thā ṣaid-e zabūñ ṣaid-gah-e ʿishq ke bīch
āp ko ḳhāk meñ bhī ḳhūb milāyā nah gayā

*{66,7}

shahr-e dil āh ʿajab jāʾe thī par us ke gaʾe
aisā ujṛā kih kisī t̤arḥ basāyā nah gayā

{66,8}

āj ruktī nahīñ ḳhāme kī zabāñ rakhye muʿāf
ḥarf kā t̤ūl bhī jo mujh se ghaṭāyā nah gayā