ghazal
{594}
 
-- urdu script -- devanagari -- diacritics -- plain roman -- more information --
 

{594,1}

kuchh to kah'h vaṣl kī phir rāt chalī jātī hai
din gużar jāʾeñ haiñ par bāt chalī jātī hai

{594,2}

rah gaʾe gāh tabassum pah gahe bāt hī par
bāre ai ham-nishīñ auqāt chalī jātī hai

{594,3}

ṭuk to vaqfah bhī kar ai gardish-e daurāñ kih yih jān
ʿumr ke ḥaif hī kyā sāt chalī jātī hai

{594,4}

yāñ to ātī nahīñ shat̤ranj-e zamānah kī chāl
aur vāñ bāzī māt chalī jātī hai

*{594,5}

roz āne pah nahīñ nisbat-e ʿishqī mauqūf
ʿumr bhar ek mulāqāt chalī jātī hai

{594,6}

shaiḳh-e be-nafs ko nazlah nahīñ hai nāk kī rāh
yih hai jiryān-e manī dhāt chalī jātī hai

{594,7}

ḳhirqah mandīl-o-ridā mast liye jāte haiñ
shaiḳh kī sārī karāmāt chalī jātī hai

{594,8}

hai muvazzan jo baṛā murġh-e muṣallī us kī
mastoñ kī nok hī kī bāt chalī jātī hai

{594,9}

pāʾoñ ruktā nahīñ masjid se dam-e āḳhir bhī
marne par āyā hai par lāt chalī jātī hai

{594,10}

har saḥar dar-paʾe ārām-e mai-āshāmāñ hai
makr-o-t̤āmāt kī ik ghāt chalī jātī hai

{594,11}

ek ham hī se tafāvut hai sulūkoñ meñ mīr
yūñ to auroñ kī madārāt chalī jātī hai

 

{594,trans.}

Translations