ghazal
{817}
 
-- urdu script -- devanagari -- diacritics -- plain roman -- more information --
 

*{817,1}

ab tang hūñ bahut maiñ mat aur dushmanī kar
lāgo ho mere jī kā itnī hī dostī kar

{817,2}

jab tak shigāf the kuchh itnā nah jī ruke thā
pachhtāʾe ham nihāyat sīne ke chāk sī kar

{817,3}

qiṣṣah nahīñ sunā kyā yūsuf hī kā jo tū ne
ab bhāʾīyoñ se chande to gurg-āshtī kar

*{817,4}

nā-sāzī-o-ḳhushūnat jangal hī chāhtī hai
shahroñ meñ ham nah dekhā bālīdah hote kīkar

{817,5}

kuchh āj ashk-e ḳhūnīñ maiñ ne nahīñ chhupāyā
rah rah gayā hūñ barsoñ lohū ko apne pī kar

{817,6}

kis murdanī ko us bin bhātī hai zindagānī
bas jī chukā bahut maiñ ab kyā karūñgā jī kar

{817,7}

ḥarf-e ġhalat̤ ko sun kar dar-pai nah ḳhūñ ke honā
jo kuchh kiyā hai maiñ ne pahle use sahī kar

{817,8}

din rāt kaṛhte kaṛhte maiñ bhī bahut rukā hūñ
jo tujh se ho sake so ab tū bhī mat kamī kar

{817,9}

rahtī hai jo nikoʾī rahtā nahī hai koʾī
tū bhī jo yāñ rahe to zinhār mat badī kar

*{817,10}

thī jab talak javānī ranj-o-taʿab uṭhāʾe
ab kyā hai mīr jī meñ tark-e sitam-garī kar

 

{817,trans.}

Translations