ghazal
{904}
 
-- urdu script -- devanagari -- diacritics -- plain roman -- more information --
 

*{904,1}

kyā ʿabaṡ majnūñ paʾe maḥmil hai myāñ
yih divānah bāvalā ʿāqil hai myāñ

{904,2}

qand kā kaun is qadar māʾil hai myāñ
jo hai in hoñṭoñ hī kā qāʾil hai myāñ

{904,3}

ham ne yih mānā kih vāʿiz̤ hai malak
ādmī honā bahut mushkil hai myāñ

{904,4}

chashm-e tar kī ḳhair jārī hai sadā
sail is darvāze kā sāʾil hai myāñ

*{904,5}

marne ke pīchhe to rāḥat sach hai lek
bīch meñ yih vāqiʿah ḥāʾil hai myāñ

{904,6}

dil kī pāmālī sitam hai qahr hai
koʾī yūñ daltā hai āḳhir dil hai myāñ

{904,7}

āj kyā fardā-e masḥar kā harās
:subḥ dekheñ kyā ho shab ḥāmil hai myāñ

{904,8}

dil taṛaptā hī nahīñ kyā jāniye
kis shikār andāz kā bismil hai myāñ

{904,9}

chāhiye pesh az namāz āñkheñ khuleñ
ḥaif us kā vaqt jo ġhāfil hai myāñ

*{904,10}

rang be-rangī judā to hai vale
āb sā har rang meñ shāmil hai myāñ

{904,11}

sāmne se to ṭuk ṭale to diq nah ho
āsmāñ chhātī par apnī sil hai myāñ

{904,12}

dil-lagī itnī jahāñ meñ kis liye
rahgużar hai yih to kyā manzil hai myāñ

*{904,13}

be-tahī daryā-e hastī kī nah pūchh
yāñ se vāñ tak sau jagah sāḥil hai myāñ

{904,14}

chashm-e ḥaq-bīñ se karo ṭuk tum nażar
dekhiye jo kuchh ho sab bāṭil hai myāñ

{904,15}

dard-mandī hī to hai jo kuchh kih hai
ḥaq meñ ʿāshiq ke davā qātil hai myāñ

{904,16}

barsoñ ham rote phire haiñ abr se
zānū zānū us galī meñ gil hai myāñ

{904,17}

kuhnah-sālī meñ hai jaise ḳhurdah-sāl
kyā falak pīrī meñ bhī jāhil hai myāñ

{904,18}

kyā dil-e majrūḥ-o-mahzūñ ka gilah
ek to ġhamgīñ dūsre ġhāʾil hai myāñ

{904,19}

dekh kar sabzah hī ḳhurram dil ko rakh
mazrʿa-e dunyā kā yih ḥāṣil hai myāñ

*{904,20}

mustaʿiddoñ par suḳhan hai āj kal
shiʿr apnā fan so kis qābil hai myāñ

{904,21}

kī ziyārat mīr kī ham ne bhī kal
lā-ubālī sā par kāmil hai myāñ

 

{904,trans.}

Translations