ghazal |
![]() |
har chand ṣarf-e ġham haiñ le dil jigar se jāñ tak
lekin kabhū shikāyat āʾī nahīñ zabāñ tak
kyā koʾī us ke rangoñ gul bāġh meñ khilā hai
shor āj bulbuloñ kā jātā hai āsmāñ tak
do chār din jo hoñ to ruk ruk ke koʾī kāṭe
nā-chār ṣabr karnā ʿāshiq se ho kahāñ tak
in jaltī haḍḍiyoñ ko shāyad humā nah khāve
tab ʿishq kī hamāre pahuñchī hai ustuḳhvāñ tak
rove jahāñ jahāñ ham jūñ abr mīr us bin
ab āb hai sarāsar jāve naz̤ar jahāñ tak