ghazal |
![]() |
qatl-gah meñ dast-bos us kā kareñ fī al-faur log
ham khaṛe talvāreñ khāveñ naqsh māreñ aur log
kaj-ravī ham ʿāshiqoñ se us kī bas ab jā chukī
ek to nā-sāz phir us se mile be-t̤aur log
zaḳhm-e teġh-e yār ġhāʾir ho ke pahuñchā dil talak
ḥaif mere ḥāl par karte nahīñ ṭuk ġhaur log
jā ke dunyā se tujhe yād āʾūñgā maiñ bhī bahut
baʿd mere kab uṭhāveñge tire yih jaur log
rasm-o-ʿādat hai kih har yak vaqt kā hotā hai żikr
mīr bāre yād kar roveñge kyā yih daur log