ghazal
{1177}
 
-- urdu script -- devanagari -- diacritics -- plain roman -- more information --
 

*{1177,1}

ʿishq ne ḳhvār-o-zalīl kiyā ham sar ko bikhere phirte haiñ
soz-o-dard-o-dāġh-o-alam sab jī ko ghere phirte haiñ

{1177,2}

har shab hūñ sar-gashtah-o-nālāñ us bin kūchah-e vīrāñ meñ
yās nahīñ hai ab bhī dekhūñ kab din mere phirte haiñ

{1177,3}

dil lashkar meñ ek sipāhī-zāde ne ham se chhīn liyā
ham darvesh t̤alab meñ us kī ḍere ḍere phirte haiñ

*{1177,4}

be-ḳhvud us kī zulf-o-ruḳh ke kāhe ko āp meñ phir āʾe
ham kahte haiñ tasallī-e dil ko sāñjh savere phirte haiñ

*{1177,5}

naqsh kisū kā darūn-e sīnah garm t̤alab haiñ vaise rang
jaisī ḳhayālī pās liye taṣvīr chitere phirte haiñ

{1177,6}

barse agar shamshīr saroñ par muñh moṛeñ zinhār nahīñ
sīdhe jāne vāle udhar ke kis ke phere phirte haiñ

*{1177,7}

pā-e nigār ālūdah kahīñ [kyā] sāñjh ko mīr ne dekhe the
ṣubḥ tak ab bhī āñkhoñ meñ us kī pāʾoñ tere phirte haiñ