ghazal |
![]() |
log bahut pūchhā karte haiñ kyā kahye myāñ kyā hai ʿishq
kuchh kahte haiñ sirr-e ilâhī kuchh kahte haiñ ḳhudā hai ʿishq
ʿishq kī shān arfaʿ akṡar hai lekin shāneñ ʿajāʾib haiñ
gah sārī hai dimāġh-o-dil meñ gāhe sab se judā hai ʿishq
kām hai mushkil ulfat karnā us gulshan ke nihāloñ se
bū-kash ho kar seb-e żaqan kā ġhash nah kare to sazā hai ʿishq
ulfat se parhez kiyā kar kulfat us meñ qiyāmat hai
yaʿnī dard-o-ranj-o-taʿb hai āfat-e jān balā hai ʿishq
mīr ḳhilāf-e mizāj muḥabbat mūjib-e talḳhī-kashīdan hai
yār-e muvāfiq mil jāve to lut̤f hai chāh mazā hai ʿishq