ghazal |
![]() |
kāvish se un palkoñ kī rahtī hai ḳhalish sī jigar meñ ab
sīdhī naz̤ar jo us kī nahīñ hai yās hai apnī naz̤ar meñ ab
mausam gul kā shāyad āyā dāġh junūñ ke siyāh huʾe
dil khiñchtā hai jānib-e ṣaḥrā jī nahīñ lagtā ghar meñ ab
naqsh nahīñ pānī meñ ubhartā yih to koʾī achanbhā hai
ṣūrat-e ḳhūb us kī hai phirtī
akṡar chashm-e tar meñ ab
ek jagah par jaise bhañvar haiñ lekin chakkar rahtā hai
yaʿnī vat̤an daryā hai us meñ chār t̤araf haiñ safar meñ ab
ḥasrat ne milne kī āyā mīr tumhārā ḳhūn piyā
teġh-o-tabar us turk-bache z̤ālim kī nahīñ hai kamar meñ ab