ghazal |
![]() |
mihr-e qiyāmat chāhat āfat fitnah fasād balā hai ʿishq
ʿishq allâh ṣaiyād unheñ kahyo jin logoñ ne kiyā hai ʿishq
ʿishq se naz̤m-e kul hai yaʿnī ʿishq koʾī nāz̤im hai ḳhūb
har shai yāñ paidā jo huʾī hai mauzūñ kar lāyā hai ʿishq
ʿishq hai bāt̤in us z̤āhir kā z̤āhir bāt̤in ʿishq hai sab
ūdhar ʿishq hai ʿālam-e bālā īdhar ko dunyā hai ʿishq
dāʾir sāʾir hai yih jahāñ meñ jahāñ tahāñ mutaṣarrif hai
ʿishq kahīñ hai dil meñ pinhāñ aur kahīñ paidā hai ʿishq
mauj-zanī hai mīr falak tak har lujjah hai t̤ūfāñ-zā
sar tā sar hai talāt̤um jis kā vuh aʿz̤am daryā hai ʿishq