ghazal |
![]() |
kyūñkar mujh ko nāmah namat̤ har ḥarf pah pech-o-tāb nah ho
sau sau qāṣid jān se jāveñ yak ko udhar se javāb nah ho
ḳhalʿ-e badan karne se ʿāshiq ḳhvush rahte haiñ is ḳhāt̤ir
jān-o-jānāñ ek haiñ yaʿnī bīch meñ tan jo ḥisāb nah ho
maiñ ne jo kuchh kahā kiyā hai ḥadd-o-ḥisāb se afzūñ hai
roz-e shumār meñ yā rab mere kahe kiye kā ḥisāb nah ho
jis shab gul dekhā hai ham ne ṣubḥ ko us kā muñh dekhā
ḳhvāb hamārā havā huʾā hai logoñ kā sā ḳhvāb nah ho
nahreñ chaman kī bhar rakkhī haiñ goyā bādah-e laʿlīñ se
be-ʿaks-e gul-o-lālah ilâhī un jūyoñ meñ āb nah ho