Agra Fort

Fatahpur Sikri, from the Berger Collection

 

Ghazal 5

6 divan verses (out of 10); rhyming elements: ā jal gayā
composed 1816; Arshi #26

-- urdu script -- devanagari -- diacritics -- plain roman -- more information --

{5,1}

dil mirā soz-e nihāñ se be-muḥābā jal gayā
ātish-e ḳhāmosh ke mānind goyā jal gayā

{5,2}

dil meñ żauq-e vaṣl-o-yād-e yār tak bāqī nahīñ
āg is ghar meñ lagī aisī kih jo thā jal gayā

{5,3}

maiñ ʿadam se bhī pare hūñ varnah ġhāfil bār-hā
merī āh-e ātishīñ se bāl-e ʿanqā jal gayā

{5,4}

ʿarẓ kīje jauhar-e andeshah kī garmī kahāñ
kuchh ḳhayāl āyā thā vaḥshat kā kih ṣaḥrā jal gayā

{5,5}

dil nahīñ tujh ko dikhātā varnah dāġhoñ kī bahār
us chirāġhāñ kā karūñ kyā kār-farmā jal gayā

{5,6}

maiñ hūñ aur afsurdagī kī ārzū ġhālib kih dil
dekh kar t̤arz-e tapāk-e ahl-e dunyā jal gayā

Some unpublished verses from this ghazal:

{5,7x}

ḳhān-mān-e ʿāshiqāñ dūkān-e ātish-bāz hai
shuʿlah-rū jab ho gaʾe garm-e tamāshā jal gayā

{5,8x}

tā kujā afsos-e garmīhā-e ṣuḥbat ai ḳhayāl
dil bah soz-e ātish-e dāġh-e tamannā jal gayā

{5,9x}

hai asad begānah-e afsurdagī ai be-kasī
dil z andāz-e tapāk-e ahl-e dunyā jal gayā