Akbar's tomb at Sikandra, from the Berger Collection
Akbar's tomb at Sikandra, from the Berger Collection
lāzim thā kih dekho mirā rastā koʾī
din aur
tanhā gaye kyūñ ab raho tanhā koʾī din aur
miṭ jāʾegā sar gar tirā patthar
nah ghisegā
hūñ dar pah tire nāṣiyah-farsā koʾī din aur
āye ho kal aur āj hī kahte ho kih
jāʾūñ
mānā kih hameshah nahīñ achchhā koʾī din aur
jāte huʾe kahte ho qiyāmat ko mileñge
kyā ḳhūb qiyāmat kā hai goyā koʾī din aur
hāñ ai falak-e pīr javāñ thā abhī
ʿārif
kyā terā bigaṛtā jo nah martā koʾī din aur
tum māh-e shab-e chār-daham the mire
ghar ke
phir kyūñ nah rahā ghar kā vuh naqshā koʾī din aur
tum kaun-se the aise khare dād-o-sitad
ke
kartā malak ul-maut taqāẓā koʾī din aur
mujh se tumheñ nafrat sahī naiyar
se laṛāʾī
bachchoñ kā bhī dekhā nah tamāshā koʾī din aur
guzrī nah bah har ḥāl yih muddat ḳhvush-o-nā-ḳhvush
karnā thā javāñ-marg guzārā koʾī din aur
nādāñ ho jo kahte ho kih kyūñ jīte
haiñ ġhālib
qismat meñ hai marne kī tamannā koʾī din aur