Red Fort, from the Berger Collection
Red Fort, from the Berger Collection
bisāt̤-e ʿajz meñ thā ek dil yak
qat̤rah ḳhūñ vuh bhī
so rahtā hai bah andāz-e chakīdan sar-nigūñ vuh bhī
rahe us shoḳh se āzurdah ham chande
takalluf se
takalluf bar-t̤araf thā ek andāz-e junūñ vuh bhī
ḳhayāl-e marg kab taskīñ dil-e āzurdah
ko baḳhshe
mire dām-e tamannā meñ hai ik ṣaid-e zabūñ vuh bhī
nah kartā kāsh nālah mujh ko kyā
maʿlūm thā hamdam
kih hogā bāʿiṡ-e afzāʾish-e dard-e darūñ vuh bhī
nah itnā burrish-e teġh-e jafā par
nāz farmāʾo
mire daryā-e be-tābī meñ hai ik mauj-e ḳhūñ vuh bhī
mai-e ʿishrat kī ḳhvāhish sāqī-e
gardūñ se kyā kīje
liye baiṭhā hai ik do chār jām-e vāzh-gūñ vuh bhī
mire dil meñ hai ġhālib shauq-e vaṣl-o-shikvah-e hijrāñ
ḳhudā vuh din kare jo us se maiñ yih bhī kahūñ vuh bhī
mujhe maʿlūm hai jo tū ne mere ḥaq meñ sochā hai
kahīñ ho jāʾe jald ai gardish-e gardūn-e dūñ vuh bhī
naz̤ar rāḥat pah merī kar nah vaʿdah shab ke āne kā
kih merī ḳhvāb-bandī ke liye hogā fusūñ vuh bhī