Ghazal 177

{177,1}

shikve ke naam se be-mihr ;xafaa hotaa hai
yih bhii mat kah kih jo kahye to gilaa hotaa hai

{177,2}

pur huu;N mai;N shikve se yuu;N raag se jaise baajaa
ik ;zaraa chhe;Riye phir dekhiye kyaa hotaa hai

{177,3}

go samajhtaa nahii;N par ;husn-e talaafii dekho
shikvah-e jaur se sar-garm-e jafaa hotaa hai

{177,4}

((ishq kii raah me;N hai char;x-e mukaukab kii vuh chaal
sust-ruu jaise ko))ii aabilah-paa hotaa hai

{177,5}

kyuu;N nah ;Thahre;N hadaf-e naavak-e be-daad kih ham
aap u;Thaa laate hai;N gar tiir ;xa:taa hotaa hai

{177,6}

;xuub thaa pahle se hote jo ham apne bad-;xvaah
kih bhalaa chaahte hai;N aur buraa hotaa hai

{177,7}

naalah jaataa thaa pare ((arsh se meraa aur ab
lab tak aataa hai jo aisaa hii rasaa hotaa hai

{177,8}

;xaamah meraa kih vuh hai baarbud-e bazm-e su;xan
shaah kii mad;h me;N yuu;N na;Gmah-saraa hotaa hai

{177,9}

This verse is the beginning of a verse-set that includes {177,9-12}.

ai shahinshaah-e kavaakib-sipah-o-mihr-((alam
tere ikraam kaa ;haq kis se adaa hotaa hai

{177,10}

saat iqliim kaa ;haa.sil jo faraaham kiije
to vuh lashkar kaa tire na((l-bahaa hotaa hai

{177,11}

har mahiine me;N jo yih badr se hotaa hai hilaal
aastaa;N par tire mah naa.siyah-saa hotaa hai

{177,12}

mai;N jo gustaa;x huu;N aa))iin-e ;Gazal-;xvaanii me;N
yih bhii teraa hii karam ;zauq-fizaa hotaa hai

{177,13}

rakhyo ;Gaalib mujhe is tal;x-navaa))ii me;N mu((aaf
aaj kuchh dard mire dil me;N sivaa hotaa hai