ghazal
{39}
 
-- urdu script -- devanagari -- diacritics -- plain roman -- more information --
 

*{39,1}

garmī se maiñ to ātish-e ġham kī pighal gayā
rātoñ ko rote rote hī jūñ shamʿa gal gayā

*{39,2}

ham ḳhastah-dil haiñ tujh se bhī nāzuk-mizāj-tar
tevrī chaṛhāʾī tū ne kih yāñ jī nikal gayā

*{39,3}

garmī-e ʿishq mānʿa-e nushv-o-namā huʾī
maiñ vuh nihāl thā kih ugā aur jal gayā

{39,4}

mastī meñ chhoṛ dair ko kaʿbe chalā thā maiñ
laġhzish baṛī huʾī thī valekin sañbhal gayā

{39,5}

sāqī nashe meñ tujh se luñḍhā shīshah-e sharāb
chal ab kih duḳht-e tāk kā joban to ḍhal gayā

*{39,6}

har żarrah ḳhāk terī galī kī hai be-qarār
yāñ kaun-sā sitam-zadah māṭī meñ ral gayā

{39,7}

ʿuryāñ-tanī kī shoḳhī se dīvānagī meñ mīr
majnūñ ke dasht-e ḳhār kā dāmāñ bhī chal gayā