ghazal |
![]() |
ġhalat̤ thā āp se ġhāfil gużarnā
nah samjhe ham kih us qālib meñ tū thā
chaman kī vaẓʿa ne ham ko kiyā dāġh
kih har ġhunchah dil-e pur-ārzū thā
gul-o-āʾīnah kyā ḳhvurshīd-o-mah kyā
jidhar dekhā tidhar terā hī rū thā
karoge yād bāteñ to kahoge
kih koʾī raftah-e bisyār-gū thā
jahāñ pur hai fasāne se hamāre
dimāġh-e ʿishq ham ko bhī kabhū thā
magar dīvānah thā gul bhī kisū kā
kih pairāhan meñ sau jāgah rafū thā
kahīñ kyā bāl tere khul gaʾe the
kih jhoñkā bāʾo kā kuchh mashk-bū thā
nah dekhā mīr-e āvārah ko lekin
ġhubār ik nā-tavāñ sā kū bah kū thā