ghazal
{307}
 
-- urdu script -- devanagari -- diacritics -- plain roman -- more information --
 

*{307,1}

ham āp hī ko apnā maqṣūd jānte haiñ
apne sivāʾe kis ko maujūd jānte haiñ

*{307,2}

ʿajz-o-niyāz apnā apnī t̤araf hai sārā
is musht-e ḳhāk ko ham masjūd jānte haiñ

*{307,3}

ṣūrat-pażīr ham bin hargiz nahīñ ve maʿnī
ahl-e naz̤ar hamīñ ko maʿbūd jānte haiñ

*{307,4}

ʿishq un kī ʿaql ko hai jo mā-sivā hamāre
nā-chīz jānte haiñ nā-būd jānte haiñ

*{307,5}

apnī hī sair karne ham jalvah-gar huʾe the
is ramz ko valekin maʿdūd jānte haiñ

{307,6}

yā rab kase hai nāqah har ġhunchah is chaman kā
rāh-e vafā ko ham to masdūd jānte haiñ

{307,7}

yih z̤ulm-e be-nihāyat dushvār-tar kih ḳhūbāñ
bad-vaẓʿayoñ ko apnī maḥmūd jānte haiñ

{307,8}

kyā jāne dāb-e ṣuḥbat az-ḳhvesh-raftagāñ kā
majlis meñ shaiḳh ṣāḥib kuchh kūd jānte haiñ

{307,9}

mar kar bhī hāth āve to mīr muft hai vuh
jī ke ziyān ko bhī ham sūd jānte haiñ

 

{307,trans.}

Translations