ghazal
{711}
 
-- urdu script -- devanagari -- diacritics -- plain roman -- more information --
 

*{711,1}

āyā hai abr jab kā qible se tīrā tīrā
mastī kī żauq meñ haiñ āñkheñ bahut sī ḳhīrā

{711,2}

ḳhajlat se un laboñ ke pānī ho bah'h chale haiñ
qand-o-nabāt kā bhī niklā hai ḳhūb shīrā

{711,3}

majnūñ ne ḥauṣle se dīvānagī nahīñ kī
jāgah se apnī jānā apnā nahīñ vat̤īrā

{711,4}

us rāhzan se mil kar dil kyūnke kho nah baiṭheñ
andāz-o-nāz uchchakke ġhamze uṭhāʾī gīrā

*{711,5}

kyā kam hai haul-nākī ṣaḥrā-e ʿāshiqī kī
sheroñ ko us jagah par hotā hai qushʿarīrā

*{711,6}

āʾīne ko bhī dekho par ṭuk idhar ko dekho
ḥairān chashm-e ʿāshiq damke hai jaise hīrā

{711,7}

niyyat pah sab banā hai yāñ masjid ik baṛī thī
pīr-e muġhāñ muvā so us kā banā ḥaz̤īrā

{711,8}

hamrāh ḳhūñ talak ho ṭuk pāʾoñ ke chhūʾe se
aisā gunāh mujh se vuh kyā huʾā kabīrā

*{711,9}

ġhairat se mīr ṣāḥib sab jażb ho gaʾe the
niklā nah būñd lohū sīnah jo un kā chīrā

 

{711,trans.}

Translations