ghazal |
![]() |
ḳhūb kiyā jo ahl-e karam ke jūd kā kuchh nah ḳhayāl kiyā
ham jo faqīr huʾe to ham ne pahle tark-e savāl kiyā
rauñd ke jaur se un ne ham ko pāʾoñ ḥināʾī apne kiye
ḳhūn hamārā bismil-gah meñ
kin rangoñ pā-māl kiyā
nikle hai gar ghās jalī bhī ḳhāk se ulfat-kushtoñ kī
yih bālīdah sipihr phire hai
goyā un ne nihāl kiyā
dil jo hamārā ḳhūn huʾā thā ranj-o-alam meñ gużrī hameñ
yaʿnī mātam us raftah kā ham ne māh-o-sāl kiyā
mīr sadā be-ḥāl raho ho mihr-o-vafā sab karte haiñ
tum ne ʿishq kiyā so ṣāḥib kyā yih apnā ḥāl kiyā