ghazal
{1341}
 
-- urdu script -- devanagari -- diacritics -- plain roman -- more information --
 

*{1341,1}

dil ko kahīñ lagne do mere kyā kyā rang dikhāʾūñgā
chahre se ḳhūñ-nāb malūñgā phūloñ se gul khāʾūñgā

*{1341,2}

ʿahd kiye jāʾūñ hūñ ab ke āḳhir mujh ko ġhairat hai
tū bhī manāne āvegā to sāth nah tere jāʾūñgā

{1341,3}

garchih naṣīḥat sab ẓāʾiʿ hai lekin ḳhāt̤ir nāṣiḥ kī
dil dīvānah kyā samjhegā aur bhī maiñ samjhāʾūñgā

*{1341,4}

jhuk ke salām kisū ko karnā sijdah hī ho jātā hai
sar jāve go us meñ merā sar nah faro maiñ lāʾūñgā

*{1341,5}

sar hī se sarvād yih sab hai hijr kī us ke kulfat meñ
sar ko kāṭ ke hāth pah rakkhe āp hī milne jāʾūñgā

{1341,6}

ḳhāk malā muñh ḳhūn āñkhoñ meñ chāk-e garebāñ tā dāman
ṣūrat-e ḥāl ab apnī us ke ḳhāt̤ir-ḳhvāh banāʾūñgā

*{1341,7}

dil ke taʾīñ is rāh meñ kho afsos-kunāñ ab phirtā hūñ
yaʿnī rafīq-e shafīq phir aise mīr kahāñ maiñ pāʾūñgā