ghazal
{1498}
 
-- urdu script -- devanagari -- diacritics -- plain roman -- more information --
 

*{1498,1}

der se ham ko bhūl gaʾe ho yād karo to bihtar hai
ġham ḥirmāñ kā kab tak kheñcheñ shād karo to bihtar hai

{1498,2}

pahuñchā hūñ maiñ dūrī se marne ke nazdīk āḳhir to
qaid-e ḥayāt se bande ko āzād karo to bihtar hai

{1498,3}

jo karyegā ḥaq meñ mere ḳhūbī hai merī is hī meñ
dād karo to bihtar hai be-dād karo to bihtar hai

*{1498,4}

zaḳhm-e dāman-dār-e jigar se jāmah-gużārī ho nah gaʾī
z̤ulm-e numāyāñ ab koʾī jo ījād karo to bihtar hai

*{1498,5}

ʿishq meñ dam mārā nah kabhū tum chupke chupke mīr khape
lohū muñh se mal kar ab faryād karo to bihtar hai