ghazal
{1554}
 
-- urdu script -- devanagari -- diacritics -- plain roman -- more information --
 

*{1554,1}

ʿishq-e ṣamad meñ jān chalī vuh chāhat kā armān gayā
tāzah kiyā paimān ṣanam se dīn gayā īmān gayā

{1554,2}

maiñ jo gadāyānah chillāyā dar par us ke naṣf-e shab
gosh-zad āge the nāle so shor mirā pahchān gayā

*{1554,3}

āge ʿālam ʿain thā us kā ab ʿain-e ʿālam hai vuh
us vaḥdat se yih kaṡrat hai yāñ merā sab gyān gayā

{1554,4}

mat̤lab kā sar-rishtah gum hai koshish kī kotāhī nahīñ
jo t̤ālib is rāh se āyā ḳhāk bhī yāñ kī chhān gayā

{1554,5}

ḳhāk se ādam kar dikhlāyā yih minnat kyā thoṛī hai
ab sar ḳhāk bhī ho jāve to sar se kyā aḥsān gayā

[{1554,6}]

turk-bache se ʿishq kiyā thā reḳhte kyā kyā maiñ ne kahe
raftah raftah hindusitāñ se shiʿr mirā īrān gayā

*{1554,7}

kyūñ-kih jihat ho dil ko us se mīr maqām-e ḥairat hai
chāroñ or nahīñ hai koʾī yāñ vāñ yūñ hī dhyān gayā