ghazal
{1681}
 
-- urdu script -- devanagari -- diacritics -- plain roman -- more information --
 

*{1681,1}

kahā sunte to kāhe ko kisū se dil lagāte tum
nah jāte us t̤araf to hāth se apne nah jāte tum

{1681,2}

shikebāʾī kahāñ jo ab rahe jātī huʾī ʿizzat
kidhar vuh nāz jis se sar faro hargiz nah lāte tum

*{1681,3}

yih ḥusn-e ḳhulq tum meñ ʿishq se paidā huʾā varnah
ghaṛī ke rūṭhe ko do do pahar tak kab manāte tum

{1681,4}

naz̤ar duzdīdah karte ho jhukī rakhte ho palkoñ ko
lagī hotīñ nah āñkheñ to nah āñkhoñ ko chhupāte tum

*{1681,5}

yih sārī ḳhūbiyāñ dil lagne kī haiñ mat burā māno
kisū kā bār-e minnat be-ʿalāqah kab uṭhāte tum

{1681,6}

phirā karte the jab maġhrūr apne ḥusn par āge
kisū se dil lagā jo pūchhte ho āte jāte tum

*{1681,7}

jo hote mīr sau sar ke nah karte ik suḳhan un se
bahut to pān khāte hoñṭ ġhuṣṣe se chabāte tum