ghazal
{481}
 
-- urdu script -- devanagari -- diacritics -- plain roman -- more information --
 

*{481,1}

bah rang-e bū-e gul is bāġh ke ham āshnā hote
kih ham-rāh-e ṣabā ṭuk sair karte phir havā hote

*{481,2}

sarāpā ārzū hone ne bandah kar diyā ham ko
vagarnah ham ḳhudā the gar dil-e be-muddaʿā hote

{481,3}

falak ai kāsh ham ko ḳhāk hī rakhtā kih us meñ ham
ġhubār-e rāh hote yā kisū kī ḳhāk-e pā hote

*{481,4}

ilâhī kaise hote haiñ jiñheñ hai bandagī ḳhvāhish
hameñ to sharm dāman-gīr hotī hai ḳhudā hote

{481,5}

tū hai kis nāḥaye se ai diyār-e ʿishq kyā jānūñ
tire bāshindagāñ ham kāsh sāre be-vafā hote

*{481,6}

ab aise haiñ kih ṣānʿi ke mizāj ūpar baham pahuñche
jo ḳhāt̤ir-ḳhvāh apne ham huʾe hote to kyā hote

{481,7}

kaheñ jo kuchh malāmat-gar bajā hai mīr kyā jāneñ
uñheñ maʿlūm tab hotā kih vaise se judā hote