ghazal
{1502}
 
-- urdu script -- devanagari -- diacritics -- plain roman -- more information --
 

*{1502,1}

chalo chaman meñ jo dil khule ṭuk baham ġham-e dil kahā kareñge
t̤ayūr hī se bakā kareñge guloñ ke āge bukā kareñge

*{1502,2}

qarār dil se kiyā hai ab ke kih ruk ke ghar meñ nah maryegā yūñ
bahār āʾī jo apne jīte to sair karne chalā kareñge

*{1502,3}

halāk honā muqarrarī hai maraẓ se dil ke pah tum kuṛho ho
mizāj-e ṣāḥib agar idhar hai to ham bhī apnī davā kareñge

*{1502,4}

burā hai dil kā hamāre lagnā-lagānā ġhuṣṣe se ʿāshiqī ke
nichī jabīñ se galī meñ us kī ḳharāb-o-ḳhastah phirā kareñge

{1504,5}

viṣāl-e ḳhūbāñ nah kar tamannā kih zahr shīrīñ-labī hai un ko
ḳharāb-o-rusvā judā kareñge halāk mil kar judā kareñge

{1504,6}

agar vuh rashk-e bahār samjhe kih rang apnā bhī hai ab aisā
varaq ḳhizāñ meñ jo zard hoñge ġham-e dil us par likhā kareñge


{1504,7}

ġham-e muḥabbat meñ mīr ham ko hameshah jalnā hameshah marnā
suʿūbat aisī dimāġh-e raftah kahāñ talak ab vafā kareñge