#
First verse of the ghazal
Notes
 
 
{776}
ʿajab ṣuḥbat hai kyūñkar ṣubḥ apnī shām karye ab
jahāñ ṭuk ān baiṭhe ham kahā ārām karye ab

7 v; M20
*{777}
burqaʿ meñ kyā chhupeñ ve hoveñ jinhoñ kī yih tāb
ruḳhsār tere pyāre haiñ āftāb mahtāb

10 v; M4; 1, 3, 5, 9; trans.
2 == dīvān-e duvvum == t
{778}
der kuchh khiñchtī to kahte bhī mulāqāt kī bāt
milnā apnā jo huʾā us se so vuh bāt kī bāt

7 v; M13
{779}
ham tum se chashm rakhte the dildāriyāñ bahut
so iltifāt kam hai dil-āzāriyāñ bahut

5 v; M5
{780}
yād āyā hai kih hangāmah rahā kartā thā rāt
shor-o-shar se mere ik fitnah rahā kartā thā rāt

1 v; M10
{781}
kām kyā thā jeb-o-dāman se mujhe pesh az junūñ
sīnah chākī apnī meñ baiṭhā kiyā kartā thā rāt

8 v; M10; on v.6 see {456,8}
{782}
kyā pūchhte ho āh mire jang-jū kī bāt
goyā vafā hai ʿahd meñ us ke kabhū kī bāt

7 v; M5
{783}
suntā nahīñ agarchih hamārā nigār bāt
par muñh pah ā hī jātī hai be-iḳhtiyār bāt
10 v; M5; on v.6 see G{227,1}; on v.7 see {777,9}
{784}
hotī hai garchih kahne se yāro parāʾī bāt
par ham se to thame nah kabhū muñ par āʾī bāt

11 v; M5
*{785}
hai zabāñ-zad jo sikandar ho chukā lashkar samet
sar bhī us kā khap gayā āḳhir ko yāñ afsar samet

7 v; M10; 6
{786}
dekhiye kab ho viṣāl ab to lage hai ḍar bahut
koft gużre hai firāq-e yār meñ jī par bahut

9 v; M10; on v.2 see {46,4}
{787}
malāmat-gar nah mujh ko kar malāmat
jale ko aur to utnā jalā mat

5 v; M21
2 == dīvān-e duvvum == ch
{788}
āg sā to jo huʾā ai gul-e tar ān ke bīch
ṣubḥ kī bāʾo ne kyā phūñk diyā kān ke bīch

10 v; M13; on v.5 see {1052,7}; on v.8 see G{44,1}
{789}
ʿishq meñ ai t̤abīb hāñ ṭuk soch
pā-e jāñ darmiyāñ hai yāñ ṭuk soch

7 v; M12; on v.1 see {441,7}
{790}
dil kho gayā hūñ maiñ yihīñ dīvānah-pan ke bīch
tum bhī to dekho zulf-e shikan-var shikan ke bīch

11 v; M5
{791}
jhūṭ har chand nahīñ yār kī guftār ke bīch
der lekin hai qiyāmat abhī dīdār ke bīch

9 v; M13
{792}
ātī hai ḳhūn kī bū dostī-e yār ke bīch
jī liye un ne hazāroñ ke yūñ hī pyār ke bīch

11 v; M13
2 == dīvān-e duvvum == ḳh
{793}
āne kī apne kyā kahīñ us gulsitāñ kī t̤arḥ
har gām par talaf huʾe āb-e ravāñ kī t̤arḥ

10 v; M5
{794}
daur-e gardūñ se huʾī kuchh aur mai-ḳhāne kī t̤arḥ
bhar nah āveñ kyūñ-kih āñkheñ merī paimāne kī t̤arḥ

11 v; M10
2 == dīvān-e duvvum ==
{795}
agarchih laʿl-e badaḳhshāñ meñ rang ḍhang hai shoḳh
pah tere donoñ laboñ kā bhī kyā hī rang hai shoḳh
9 v; M25
2 == dīvān-e duvvum == d
{796}
rahye beġhair tere ai rashk-e māh tā chand
āñkhoñ meñ yūñ hamārī ʿālam siyāh tā chand

7 v; M4
{797}
tujh bin ai nau-bahār ke mānind
chāk hai dil anār ke mānind

11 v; M12
{798}
āvāz hamārī se nah ruk ham haiñ duʿā yād
āvegī bahut ham bhī faqīroñ kī ṣadā yād

9 v; M7; on v.4 see {1450,5}
*{799}
asīr kar ke nah lī tū ne to ḳhabar ṣaiyād
uṛā kiye mire purkālah-e jigar ṣaiyād

9 v; M25; 5; on v.9 see {121,7}
{800}
laṛ ke phir āʾe ḍar gaʾe shāyad
bigṛe the kuchh sañvar gaʾe shāyad

9 v; M12; on v.7 see G{68,1}
 

-- urdu script -- devanagari -- diacritics -- plain roman -- more information --