ghazal
{1589}
 
-- urdu script -- devanagari -- diacritics -- plain roman -- more information --
 

*{1589,1}

kis tāzah maqtal pah kushande terā huʾā hai gużārā āj
zah dāman kī bharī hai lahū se kis ko tū ne mārā āj

*{1589,2}

kal tak ham ne tum ko rakhā thā sau parde meñ kalī ke rang
ṣubḥ shiguftah gul jo huʾe tum sab ne kiyā naz̤z̤ārā āj

[{1589,3}]

koʾī nahīñ shāhān-e salaf meñ ḳhālī paṛe haiñ donoñ ʿirāq
yaʿnī ḳhvud gum iskandar hai nā-paidā hai dārā āj

[{1589,4}]

chashm-e mushtāq us lab-o-ruḳh se lamḥah lamḥah uṭṭhī nahīñ
kyā hī lage hai achchhā us kā mukhṛā pyārā pyārā āj

[{1589,5}]

ab jo nasīm-e muʿat̤t̤ar āʾī shāyad bāl khule us ke
shahr kī sārī galyāñ ho gaʾīñ goyā ʿanbar-e sārā āj

*{1589,6}

kal hī josh-o-ḳharosh hamāre daryā ke se talāt̤um the
dekh tire āshob zamāñ ke kar baiṭhe haiñ kinārā āj

[{1589,7}]

chashm churāʾī dūr se karvā mujh ko lagā yih kah'h ke gayā
ṣaid kareñge kal ham ā kar ḍāl chale haiñ chārā āj

[{1589,8}]

kal hī ziyān jiyoñ ke kiye haiñ ʿishq meñ kyā kyā logoñ ne
sādagī merī chāh meñ dekho maiñ ḍhūñḍūñ hūñ chārah āj

*{1589,9}

mīr huʾe ho be-ḳhvud kab ke āp meñ bhī to ṭuk āʾo
hai darvāze par anboh ik raftah-e shauq tumhārā āj