 |
{049} phir huʾā vaqt
kih ho bāl-kushā mauj-e sharāb
de bat̤-e mai ko dil-o-dast-e shinā mauj-e sharāb
{050} afsos kih dandāñ
kā kiyā rizq falak ne
jin logoñ kī thī darḳhvur-e ʿaqd-e guhar angusht
{051} rahā gar koʾī
tā qiyāmat salāmat
phir ik roz marnā hai ḥaẓrat salāmat
{052} muñd gaʾīñ kholte
hī kholte āñkheñ ġhālib
yār lāʾe mirī bālīñ pah use par kis vaqt
{053} āmad-e ḳhat̤ se
huʾā hai sard jo bāzār-e dost
dūd-e shamʿa-e kushtah thā shāyad ḳhat̤-e ruḳhsār-e dost
{054} gulshan meñ band-o-bast
bah rang-e digar hai āj
qumrī kā t̤auq ḥalqah-e berūn-e dar hai āj
{055} lo ham marīẓ-e
ʿishq ke bīmār-dār haiñ
achchhā agar nah ho to masīḥā kā kyā ʿilāj
{056} nafas nah anjuman-e
ārzū se bāhar kheñch
agar sharāb nahīñ intiz̤ār-e sāġhar kheñch
{057} ḥusn ġhamze kī
kashākash se chhuṭā mere baʿd
bāre ārām se haiñ ahl-e jafā mere baʿd
{058} balā se haiñ jo
bah pesh-e naz̤ar dar-o-dīvār
nigāh-e shauq ko haiñ bāl-o-par dar-o-dīvār
{059} ghar jab banā liyā
tire dar par kahe baġhair
jānegā ab bhī tū nah mirā ghar kahe baġhair
{060} kyūñ jal gayā
nah tāb-e ruḳh-e yār dekh kar
jaltā hūñ apnī t̤āqat-e dīdār dekh kar
{061} laraztā hai mirā
dil zaḥmat-e mihr-e daraḳhshāñ par
maiñ hūñ vuh qat̤rah-e shabnam kih ho ḳhār-e bayābāñ par
{062} hai baskih har ik
un ke ishāre meñ nishāñ aur
karte haiñ muḥabbat to guzartā hai gumāñ aur
{063} ṣafā-e ḥairat-e
āʾīnah hai sāmān-e zang āḳhir
taġhayyur āb-e bar-jā-māñdah kā pātā hai rang āḳhir
{064} junūñ kī dast-gīrī
kis se ho gar ho nah ʿuryānī
garebāñ-chāk kā ḥaq ho gayā hai meri gardan par
{065} sitam-kash maṣliḥat
se hūñ kih ḳhūbāñ tujh par ʿāshiq haiñ
takalluf bar-t̤araf mil jāʾegā tujh-sā raqīb āḳhir
{066} lāzim thā kih dekho
mirā rastā koʾī din aur
tanhā gaʾe kyūñ ab raho tanhā koʾī din aur
{067} fāriġh mujhe nah
jān kih mānind-e ṣubḥ-o-mihr
hai dāġh-e ʿishq zīnat-e jeb-e kafan hanūz
{068} ḥarīf-e mat̤lab-e
mushkil nahīñ fusūn-e niyāz
duʿā qabūl ho yā rab kih ʿumr-e ḳhizr darāz
{069} vusʿat-a saʿī-e
karam dekh kih sar-tā-sar-e ḳhāk
guzre hai ābilah-pā abr-e guhar-bār hanūz
{070} kyūñkar us but
se rakhūñ jān ʿazīz
kyā nahīñ hai mujhe īmān ʿazīz
{071} nah gul-e naġhmah
hūñ nah pardah-e sāz
maiñ hūñ apnī shikast kī āvāz
{072} muzhdah ai żauq-e
asīrī kih naz̤ar ātā hai
dām-e ḳhālī qafas-e murġh-e giriftār ke pās
{073} nah leve gar ḳhas-e
jauhar t̤arāvat sabzah-e ḳhat̤ se
lagāve ḳhānah-e āʾīnah meñ rū-e nigār ātish
{074} jādah-e rah ḳhvur
ko vaqt-e shām hai tār-e shuʿāʿ
charḳh vā kartā hai māh-e nau se āġhosh-e vidāʿ
{075} ruḳh-e nigār se
hai soz-e jāvidānī-e shamʿa
huʾī hai ātish-e gul āb-e zindagānī-e shamʿa
{076} bīm-e raqīb se
nahīñ karte vidāʿ-e hosh
majbūr yāñ talak huʾe ai iḳhtiyār ḥaif
{077} zaḳhm par chhiṛkeñ
kahāñ t̤iflān-e be-parvā namak
kyā mazah hotā agar patthar meñ bhī hotā namak
{078} āh ko chāhiye ik
ʿumr aṡar hote tak
kaun jītā hai tire zulf ke sar hote tak
{079} gar tujh ko hai yaqīn-e
ijābat duʿā nah māñg
yaʿnī baġhair-e yak dil-e be-muddaʿā nah māñg
{080} hai kis qadar halāk-e
fareb-e vafā-e gul
bulbul ke kārobār pah haiñ ḳhandah'hā-e gul
{081} ġham nahīñ hotā
hai āzādoñ ko besh az yak nafas
barq se karte haiñ raushan shamʿ-e mātam-ḳhānah ham
{082} ba-nālah ḥāṣil-e
dil-bastagī farāham kar
mat̤āʿ-e ḳhānah-e zanjīr juz ṣadā maʿlūm
{083} mujh ko diyār-e
ġhair meñ mārā vat̤an se dūr
rakh lī mire ḳhudā ne mirī bekasī kī sharm
CONTINUE through the traditional sequence of ghazals...
|
|
